Mokveiði

Já komið öll margsæl og blessuð. Eins og sjá má á myndinni hér til hliðar þá er ekki eintómt puð í vinnunni. Á mánudagskvöldið skruppum við félagarnir með stangirnar í Stöðvará í Stöðvarfirði og ég fékk líka þetta monster á línuna hjá mér. Sólkoli kallast þetta víst og ég er ekki frá því að þetta eintak hafi nálgast pundið!
Annars er það að frétta að ég er kominn heim í helgarfrí en flýg svo aftur austur á mánudaginn. Við fórum nokkuð víða í vikunni, t.d. Seyðisfjörð, Mjóafjörð, Norðfjörð, Eskifjörð, Reyðarfjörð, Fáskrúðsfjörð, og Stöðvarfjörð ásamt Héraði. Tók nokkrar myndir hingað og þangað sem komnar eru inn á myndasíðunna.
Læt þetta nægja í bili.