Fari það í kolað!

Hvað er málið með þessa flatskjái. (öfund) Magnað þegar svona æði grípur fólk (Íslendinga) og allt ætlar af göflum að ganga við að ná sér í flatskjá fyrir jólin. Þá er ég ekki að tala um þá sem kaupa bíla í jólagjafir!
Annars er það svolítið sérkennilegt að þeir sem helst eru að fá sér þessa þunnu og fyrirferðalitlu skjái, eru þeir sem búa yfirleitt í stærstu og rúmbestu húsnæðunum. Það væri miklu sniðugra að þeir sem búa þröngt (við) fengjum þessa skjái á niðurgreiddu verði og þeir sem hafa pláss gætu fengið stóru fínu sjónvörpin í staðin.
Ok ég er voða pirraður
En núna er ég kominn í jólastuð og get bara ekki beðið eftir að opna pakkana. Annars vorum við í jólaboði í dag með öllu Kjörseyrargenginu og það var svaka gaman. Það komu allir með litla pakka og svo var dregið um hver fengi hvað. Ég var svo ótrúlega heppinn að ég fékk kleinupoka sem tengdamamma kom með og ég fékk hátt í 30 tilboð um gjafaskipti.

Svoleiðis er það nú. Núna er síðasta próf (í bili) hjá mér á mánudaginn. Að sjálfsögðu er ég að læra á fullu, maður verður nú að kunna almennilega á netumhverfið þegar maður er í þessum forritunarpakka.