Ljómandi

Frétti að fólk skilji stundum ekki hvað ég er að skrifa, þá um hvað og hvað ég meina. Þetta eru mjög góðar fréttir fyrir mig og tilætluðum árangri náð.

Mikill þrýstingur frá hreppsnefndarmönnum Vatnleysustrandarhrepps virðist vera ein helsta ástæða þessa að skattpeningi landsmanna hefur sjaldan eða aldrei verið eins vel varið og nú um stundir, þ.e.a.s. í laun þingmanna.

Sú mikla áhersla sem lögð hefur verið á það þjóðþrifamál sem vatnsverndarlögin munu vera, sýnir okkur glöggt hve mikið þingmenn bera hag okkar sér fyrir brjósti. Sem betur fer eru þeir ekki að eyða tímanum í einhverja vitleysu eins og oft vill verða.
Sniðugt hjá Árna að fara yfir í Ísla…………….. Glitni meina ég, já sem minnir mig á það. Ég er hættur viðskiptum við Íslandsbanka. Núna er ég kominn í viðskipti við Glitni. Aldrei var ég spurður hvort ég vildi vera í Glitni. Ég sem er búinn að forðast í égveitekkihvaðmörgár að freistast til “kaupa” bíl í gegnum Glitni. Ekki gafst mér heldur færi á að taka þátt í nafnasamkeppni hjá Glitni. Að vísu er hugmyndaflugið á töluvert hærra stigi hjá Glitni heldur en hjá VR um daginn. (eins gott að ég þurfti bara að skrifa Glitni í öll skiptin en ekki Íslandsbanki)

Já og eitt enn, þetta verður strákur, mig dreymdi það í nótt.

Örvar