Já við unnum og það sem meira er..............................

Það sem er ótrúlegt við þetta allt saman er að meirihlutinn er fallinn. Það sem að vísu er ótrúlegt við það er þó að allir unnu. Stærstu tíðindin eru sennilega samt að hinir töpuðu meira. Að vísu er þó það merkilega að tæpur meirihluti af minnihluta þeirra sem ekki kusu þá sem núna eru í meirihluta og væntanlega verða í meirihluta nema annað gefi óljósa hugmynd um hvað mögulega gæti gerst í framtíðinni, þá er alveg ljóst að þeir sem unnu sína vinnu töpuðu og þeir sem að töpuðu unnu. Það versta sem mögulega gæti gerst væri að þeir sem unnu og þeir sem töpuðu færu saman í eina sæng, en ég hef þó enga trú á því, því staðan er jú sú að minnihlutinn er jú enn í minnihluta nema að meirihlutinn springi sem líkur eru á samkvæmt spánni sem við fengum áður en kosningarnar fóru fram. Úrslitin eru þó hvergi nærri ráðin og eflaust getur margt gerst og þó svo að gaurarnir sem réðu ráði ekki lengur þrátt fyrir að það sem að þeim er kennt um sé ekki þeim að kenna þá virðist það vera svo að þeim er kennt um þetta basl. Að vísu hafa það allir ágætt nema bara að sumir hafa það meira ágætt en aðrir. Við vonum bara að þeir sem fá að ráða í nokkur ár ráði einhverju um það sem ráðgert verður og vonandi verður það öllum til hagsbóta nema að minnihlutinn fái að ráða. Það sem augljóst er af öllu framansögðu er að sjálfsögðu það að núverandi ástand er óviðunandi með öllu nema að við lítum á það með viðeigandi hluttekningu þeirra sem að um sárt eiga að binda eftir úrslit þessara kosninga. Á hinn bóginn verður ekki hjá því litið að þeir sem ekki unnu töpuðu jú ekki neinu. Þeir unnu nokkurs konar varnarsigur samkvæmt könnnnnnunnummm. Eða hvað!! Vá hvað ég vildi vera í þeirra sporum en ekki þeirra, því þeir eru jú að vinna á á meðan þeir tapa. Eins og ég sagði í upphafi þá tapaði meirihlutinn á kostnað minnihlutans, nema hvað að minnihlutinn hefði getað gert betur. Að vísu hefði meirihlutinn getað gert betur líka, en það hefði kostað fleiri óframkvæmanleg loforð. Hvað sem öðru líður þá geta allir unað sáttir við sitt, sérstaklega þó þeir sem fóru af stað með ekkert og komu heim með lítið meira. Væntanlega eigum við eftir að sjá margvíslegar hræringar í myndun meirihluta hjá hinum og þessum. Vá hvað þið eruð heppin sem gátuð bara kosið nöfn, eins og til dæmis: Sigfinnur X og Lúðvík (ekki) X
Já maður, það sem veldur mestum vonbrigðum í tengslum við kosningar er tvímælalaust útsendingar sjónvarpsstöðvanna. Verð bara að vona að HM-útsendingar og umræður verði á hærra plani og maður tali ekki um að þeir drullist til að vera með gáfulegri úrslit en þetta drasl sem birtist hér í kvöld.