Haust
Svei mér þá ef daginn er ekki farið að stytta!
Annars er ljómandi að frétta héðan, hef verið frekar óduglegur að bulla eitthvað hérna undanfarið. Það hefur margt verið að gera síðustu vikur, vinnan hjá mér slítur frídagana svoldið í sundur.
Mig langar að óska Birki og Sóley Láru innilega til hamingju með brúðkaupið á laugardaginn. Þetta var alveg virkilega vel heppnað allt saman hjá þeim, bæði athöfnin sjálf sem og veislan um kvöldið. Vel var gert við okkur í mat og drykk, skemmtilegum ræðum og frábæru balli langt fram á nótt. Svo hefði veðrið varla getað verið mikið betra og alveg ótrúleg heppni að sumarið bar upp á helgi þetta árið!
Fanney frænka fær líka hamingjuóskir með Íslandsmeistaratitilinn í tölti sem hún nældi í um helgina. Gott hjá þér Hólatútta!
Held að íbúðin hjá okkur hljóti að vera komin niður fyrir áttatíu fermetrana allavega miðað við magnið af málningu sem við erum búin að setja hér á veggina. Jú jú við erum að dunda okkur eina ferðina enn. Allt á hvolfi og rétt rúmur sólarhringur í eins árs afmæli hjá Erlu Dagmar. Magnað hvað tíminn líður hratt, hún er að verða eins árs og fór í skoðun í morgun. Er alveg að verða 10kg og komin í 73cm. Ég get samt alveg svarið fyrir það að hún virkar hátt í 20kg þegar maður er kominn með hana hérna upp stigana!
Ég nenni því miður ekki að setja inn neinar myndir núna, en bæti úr því við fyrsta tækifæri.
Læt þetta nægja í bili og hafið það sem best.
Annars er ljómandi að frétta héðan, hef verið frekar óduglegur að bulla eitthvað hérna undanfarið. Það hefur margt verið að gera síðustu vikur, vinnan hjá mér slítur frídagana svoldið í sundur.
Mig langar að óska Birki og Sóley Láru innilega til hamingju með brúðkaupið á laugardaginn. Þetta var alveg virkilega vel heppnað allt saman hjá þeim, bæði athöfnin sjálf sem og veislan um kvöldið. Vel var gert við okkur í mat og drykk, skemmtilegum ræðum og frábæru balli langt fram á nótt. Svo hefði veðrið varla getað verið mikið betra og alveg ótrúleg heppni að sumarið bar upp á helgi þetta árið!
Fanney frænka fær líka hamingjuóskir með Íslandsmeistaratitilinn í tölti sem hún nældi í um helgina. Gott hjá þér Hólatútta!
Held að íbúðin hjá okkur hljóti að vera komin niður fyrir áttatíu fermetrana allavega miðað við magnið af málningu sem við erum búin að setja hér á veggina. Jú jú við erum að dunda okkur eina ferðina enn. Allt á hvolfi og rétt rúmur sólarhringur í eins árs afmæli hjá Erlu Dagmar. Magnað hvað tíminn líður hratt, hún er að verða eins árs og fór í skoðun í morgun. Er alveg að verða 10kg og komin í 73cm. Ég get samt alveg svarið fyrir það að hún virkar hátt í 20kg þegar maður er kominn með hana hérna upp stigana!
Ég nenni því miður ekki að setja inn neinar myndir núna, en bæti úr því við fyrsta tækifæri.
Læt þetta nægja í bili og hafið það sem best.
Engin ummæli:
Skrifa ummæli